Neste xogo retornamos á terra. Seremos capaces de soster a nosa explotación durante un ano?
Partindo
dun souto familiar iremos facendo medrar as nosas terras, mais non de
calquera maneira. Xestionar os residuos agrícolas e gandeiros para
evitar a contaminación e os incendios, favorecer a existencia de
polinizadores coa presencia das flores, contratación de traballadores
con soldos xustos, emigración, demandas do mercado, produción ecolóxica e
de calidade...
Un xogo de recursos que se vai
xogando por capítulos para ir, pouco a pouco, aprendendo a xogar e
asimilando despacio todos estes temas sociais, económicos e ambientais.