': TEATRO

TEATRO
VENRES 22 DE XUÑO 2012 21:00H

A que non podes dicir cocacola?

http://www.youtube.com/watch?v=oVHXqmCt_Fk

Temos que vivir, non nos queda outra (ou si, pero ese xa é outro tema). E enchémonos de crenzas, e autoconvencémonos, e reafirmámonos na nosa marabilla, e buscamos principios que nos sosteñan, e xustificámonos, e pechamos os ollos , e abrimos a boca… E cando a soidade, e a morte, e a penuria, e a vellez, e a fame... estoupan na nosa vista, aínda temos algo máis que dicir, algo así como: “non nos podemos queixar, tal e como están os tempos non nos podemos queixar”….

Falamos da busca da felicidade, da absurda busca da felicidade, da necesidade de reafirmación persoal para que o espello poida devolvernos una imaxe coa que atoparnos cómodos e cómodas… ata que os ollos non se dan pechado e todo o anterior, que vai envolto nun humor acedo e irónico estoupa en momentos intimistas…

Facemos un espectáculo da vida como espectáculo… Comedia? Drama?

Igual que na vida… non é doado sábelo…

Neste proxecto participamos:

Na creación do texto, dirección escénica e actriz: Lina Pérez

Na dirección actoral e na iluminación: Daniel Casquero

No espazo sonoro e composición da música: Ramón Raíndo

A fotografía é de Mar Castro

Gravación e edición de video: Illa Bufarda

Lina Pérez

Fórmase en interpretación na escola de teatro Santart, ademáis de ter realizado cursos varios de Teatro Físico, con Iván Marcos, Iniciación e Perfeccionamento de Clown con Mariam Bañobre e Commedia dell`Arte con Claudia Conti, con Carlo Bosso e con Gonzalo Guerreiro, etc. No 2007 participa na creación de Teatro do Lume, coa finalidade de encauzar o traballo dun xeito máis persoal e crear un espazo propio desde o que establecer a comunicación. Ata o momento son produccións desta compañía “Vaguedás” e “A que non podes dicir cocola?”, obras que crea e interpreta. A partir deste mesmo ano (2007) e ata ó 2011 dirixe o Grupo Intercultural de Teatro do Milladoiro. Ademais de cómo actriz e directora, ten impartido obradoiros para nenos e nenas e no eido do Teatro Social impartíu obradoiros para mulleres en risco de exclusión social.
Pensa no teatro como unha arma pacífica, comunicadora, como lugar de pausa, tanto no que se refire á creación como ao momento máxico do encontro co público.

AFORO LIMITADO PVP 8€